نعم للدرج ... لا لللفت

[دكتور / مجنون]

السلام عليكم :)


LIVE - على الهواء مباشرة

قبل ساعه يعني 8:45 مساء
مبنى 19
بطل المشهد: طالب شكله فرشمان :D


هذا الطالب كان بوسط اللفت و فجأه تعطل عليه .. يبغى يتصل على الصيانه ... التلفون اللي داخل اللفت فيه مشكله !!!

جوال.. الله اعلم بحاله .. شكله ماعنده جوال او مافي ارسال


صوووت جرس .. جرس .. جرس
بعد 10 دقايق من القلق .. اسأل الهندي ... اييييسسس فيه؟


يقول واحد عالق وسط اللفت http://www.skfupm.com/vb/images/smilies/confused.gif


يمين شمال ... اكلم الرجال اللي بوسط اللفت .. اقوله اتصل عليهم .. يقول مافي تلفون و لي نص ساعه :D

و اعطيه السؤال الخرافي: عندك هواء؟ .. قال ايه.. قلت اجل استريح

و شوي و اتصل على 4122.. توت توت توت .. مشغول .. اتصل مره ثانيه و ثالثه و نفس الشئ مشغول... :(

اتصل على الرقم 4129 و ما احد يرد .. ثاني مره .. ثالث مره .. و ما احد يرد !!!

وش الحل وش الحل !!!


اتصل على سنترال الجامعه و احكي لهم القصه (و انا احكي القصه) و اللا السيكروتي وصل ... كان في واحد قبلي سمع صوت المنكوب و اتصل على الامن و بعد ساعه من الاعتقال ... قصدي الانتظار ... جات الصيانه الساعه 9:45 يعني بعد ساعه من انتظار الرجال بوسط اللفت


حذاري حذاري حذاري انكم تركبون اللفت .. راح يجي يوم ما تلقون احد بالمبنى ... :D



صوره مع التحيه لمدير جامعتنا الموقر :)
صوره مع التحيه للمسؤولين عن الصيانة :)
صوره مع التحيه للأرشيف :)



و السلام مسك ختام



مراسلكم: خ و ف 9 9 9 - مبنى 19
خخخخخخخخخخخخخخخخخخخخخخخخ

[دكتور / مجنون]

على فكره.. الرجال قال توبه انه يركب لفت بعد كذا :D

[الساحر]

انا اكثر مصعد اركب فيه هو الخاص بمبنى 26 لكن الاحظ العمال يقومون بالصيانة الدورية على المصعد فانشالله مايصير لنا شي...

واعتقد لو توفر خيار فتح الباب ثناء وقوف المصعد لما اضطر صاحبنا للمكوث طول هذ الوقت بالمصعد...

واستغرب انه مايمتلك جوال؟؟؟

الله يكفينا وياكم شر هذي الحوادث..

[ابراهيم]

وعليكم السلام ورحمة الله وبركاته

مراسلنا في مبنى 19

دكتور مجنون :: نشكر لك هذه التغطية الشاملة لما حدث

وكنا نتمنى وجود صور :D

والله مسكين هذا الفريش مان

لكن حقيقة هذي قمة المهزلة

يعني لا مصعد شغال ولا حتى التلفون اللي في المصعد

أتمنى من مدير الجامعة عمل تحقيق صارم في الموضوع

لانه شئ لا يسكت عليه

الصيانة مفروض تكون بشكل دوري

والاخ هذا ليس اول واحد تحصل له مثل هذا المقلب

انا شخصيا حصلت لي قبل سنوات في المصعد اللي قدام المكتبة (طبعا المصعد القديم)

وانحجزت فيه لكن الصراحة حالي كان افضل لان التلفون كان شغال

وادق السنترال

وتجاوب معي وحاول يهديني ويقول اذكر الله واستغفر :)

زين ماقال تشهد !
:D

وانتظر وانتظر وانتظر

الى ان جاء واحد سوداني من الصيانة

ويفتح باب المصعد وكان المصعد نازل تحت شوي

يعني لازم يمد لي يده السوداني عشان اقدر اطلع

المهم ويدق الاخ السوداني بعد ما طلعني على الصيانة

ويقول من (مادري مين) الى الصيانة :: تم اخراج الشخص المحتجز

(اخس يا 911) :D

واسأل السوداني اقول له ياخي ليش تاخرتوا

ويرد علي بدون نفس يقول ياخي كان خربان وش نسوي !

ولسان حاله يقول ( لايكثر ) |9|

وشكله حقد علي لاني اشغلته !

لكن يالله ايام وراحت

وبعدها اصبحت اخاف من المصاعد واستخدم الدرج واستمريت فترة

لكن تخلصت من هذا الخوف ليس بسبب جرأتي

ولكن اللياقة و الوزن مايساعدون ! |5|

[المميز]

مسكين


الله يعينه


شكله حرّم يركب لفتات داخل و خارج الجامعة




تحياتي
-----------
ا ل م م ي ز

[بحر جدة]

السلام عليكم ورحمة الله وبركاته

دكتور

الله يعين الفريش على الحالة اللي صابته

وأتمنى يوصل صوتك للمسؤول

وعني شخصياً بصدد رفع شكوى عن مصعد عمارتنا

" بس مدري كيف أوصلها " http://www.skfupm.com/vb/images/smilies/wink.gif




كاتب الرسالة الأصلية الساحر
واستغرب انه مايمتلك جوال؟؟؟


الله يهديك أخوي .. أصابع يدك مو سوا

" يمكن مايقدر يطلع جوال ويمكن مفصول http://www.skfupm.com/vb/images/smilies/biggrin.gif

وبالأول والأخير وجود جوال مع كل واحد مايعفي الصيانة توفير تلفون

شغّال بكل مصعد "

تخيل المسكين حق مشوار ياكل العلقة http://www.skfupm.com/vb/images/smilies/biggrin.gif

[الهممممه يا شبا]

ههه

الله يستر ما تكرر و تكون كبوة جواد

تعرف جامعتنا السيكيورتي فيها 100%

ههه

[أبو فهد]

كاتب الرسالة الأصلية دكتور / مجنون

حذاري حذاري حذاري انكم تركبون اللفت .. راح يجي يوم ما تلقون احد بالمبنى ... :D

مراسلكم: خ و ف 9 9 9 - مبنى 19


الله يستر :)

[مشارك]

نحمد الله على سلامته أولا

ولكن يجب تصعيد الموضوع لأعلى المستويات وعدم السكوت عنه ، ليس بسبب العطل الذي حصل ، فكل جهاز عرضه لذلك ، ولكن بسبب بطء اللإستجابة للنداء وعدم توفر وسائل السلامة وأجهزة اتصال ، ولكم أن تتخيلوا لو حدث ذلك ليلا ولم يكن هناك من يسمع صراخ أي شخص محتجز فيقضي نحبه وبعد ذلك نطالب بالتحقيق والسؤال عن المتسبب وما إلى ذلك ، لعل في هذا الخبر عبرة للمسؤلين لتفادي حدوث مثل ذلك مستقبلا - لا سمح الله - وإيجاد حل عاجل يطبق على أرض الواقع

[ميت من زمان]

اهم شئ انه سلم

لو انه في الليل كانت علوووووووووووووووم...

الله يعينه بس ......


مع اني كم من مره شفتهم يسؤون صيانه لللفتات الي في 19 ...

<<<<< لو اني محله كان كتبت وصيتي على جدران اللفت

[معدن]

عجب عجاب..


شر البلية ما يضحك....